Hercinie

Der Monde machte gleich mehr stunden zue den träwmen/ Der stock stundt ohne wein/ das obst war von den bäwmen/ Der strenge Nortwindt nam den püschen jhre ziehr/ Vndt auff die Wage tratt der Scorpion herfür;

Mitt einem worte: Es war zue ende des Weinmonats/ als die hirten im felde ein fewer zue machen/ vndt der ackersmann/ welcher nun vber winter außgeseet/ seinen rock herfür zue suchen begundte. Ich war vorige nacht auß müdigkeit beydes von sorgen vndt dem wege so harte entschlaffen/ daß ich nicht erwachte/ biß die muter der gestirne die Nacht verruckt war/ vndt die schöne Morgenröthe anfieng sich vndt zuegleich alles mitt jhr zue zeigen.

Vndt kanst du dennoch/ fieng ich wieder mich selbst an/ der- [8] maßen auff guetes vertrawen ruhen/ nach dem du zu gehor- samben dem jenigen/ dem du freylich das beste theil deiner wol- farth zuedancken hast/ der dich singen letßt was du wilt/ von der- selbten gewiechen bist/ ohn welche dich keine fröligkeit ergetzte/ vndt mitt welcher dich kein vnfall betrübete? Oder/ schläffest du darumb/ damit sie dir/ weil du jhrer gegenwart nicht genießen kanst/ zum minsten durch die wolthaten eines trawmes könne ge- zeiget werden? Vnter dieser rede sprang ich auff/ vnd grüßete die lieblichen stralen der Sonnen/ welche von den spitzen der berge herab blincketen/ vndt mich gleichsam zue trösten schienen; wor- über ich dann in meinung mir selber ein hertze zue machen/ auff diese worte gerhiete:

Aber/ sagte ich weiter/ was beschuldige ich mein Verhengniß?
fliehe ich nicht auß eigener wahl für jhr/ vndt für mir selbst? Wo-
ferren du mir meine augen/ so durch die deinigen geraubet sindt/
wiedergiebest/ verhoffe ich/ mein Liecht/ dich zue sehen/ ehe
5 noch das auge der welt die Sonne in das herzuerückende jhar se-
[9]hen wirdt. Was für ein Verhengniß aber wil ich kurtz hernach
anklagen? was für eine hülle werde ich finden/ zue bedeckung de-
ßen verbrechens/ daß ich mein Vaterlandt mitt so weit entlegenen
Provinzen vertauschen/ die meinigen sampt dem größeren theile
10 meines hertzens hinter laßen/ vndt mich in ein freywilliges elendt
verjagen wil? Es ist eine böse gewohnheit/ das wir menschen ge-
meiniglich auff das glück schelten/ welches wir vns doch auff dem
eigenen amboß unserer boßheit geschmiedet haben: oder wollen
die zeit für gerichte laden/ die/ wann sie ie was böses begehen kan/
15 nichts ärgers thut/ alß daß sie sich uns so reichlich vndt milte ver-
leihet. Armer schäffer! Wilt du lieben/ warumb bleibst du nicht wo
du wirst geliebet? Oder gedenckest du der liebe zue entfliehen/ so
entfleuch erstlich deiner eigenen person/ vndt laß das gemüte zue
lieben daheimbe; wo du anders nicht einen krancken mitt dir füh-
20 ren/ vndt seine siecheit durch die bewegung mehr erwecken wilt.
Soll dir ie die freyheit/ welche dir von kindtheit an gefallen/ zue
theile werden/ so sey nicht allein anderswo/ sondern auch anders/
vndt segele mitt gebundenen augen vndt verstopfften ohren zue

der gedult dem hafen des kummers/ welche dich sampt jhrer mu-
ter der zeit in gewündtschte sicherheit setzen kan.
Mitt solchen vndt dergleichen gedancken schlug ich mich eine
lange weile/ biß ich in dem hin vndt wieder gehen nahe bey einem
5 klaren quelle/ das mitt anmutigem rauschen vndt murmeln von
einer klippen herab fiel/ zue einer glatten vndt hohen tannen kam
die mir dann bequem zue sein schiene/ ein gedächtnüß meiner
sorgen zue verwahren. Schnitte ich also auff jhre rinde nachfol-
gendts

Ich schnitzte noch über dem letzten worte/ als mir ein liebliches gethöne vnterschiedener querpfeiffen vndt wolldingender music zue ohren kam. Wiewol ich mich nun besorgete/ daß durch solche ankunfft anderer mir meine einsamkeit/ bey der ich mir jetziger beschaffenheit nach nicht ließ übel sein/ möchte abgestrickt wer- den: so zwang mich doch die begiehr die jenigen zue erkennen/ welche der schönen einstimmung wegen entweder der Musen söhne/ oder auch die Musen selbst zue sein schienen/ daß ich + + + +

Hierüber empfingen wir einander sämptlich. Vndt du Bruder/ fieng ich wieder Buchnern an/ bist mir ein angenemer gast in die- sen orten. Ich zweiffele nicht/ sagte er; aber du mir ein flüchtiger wirth. Jetzt habe ich erfahren/ daß der jenige niergendt sey/ der allenthalben ist. Es hatt seinen ort/ sagte Nüßler/ daß du dem/ der es so gnädig mitt dir meinet/ folge zue leisten/ von den grünen wiesen vndt fruchtbaren feldern vnserer Hauptstadt dahin gewie- chen bist/ wo wir dich ehegestern gesucht/ vndt von dannen wir der trifft nach hieherwerts gegangen sindt. Welche notwendigkeit aber leget dir auff/ die zeit dermaßen absonderlich zue verschlie- ßen/ vndt in solcher einsamkeit herumb zue wandern? Du weißest wol/ gab ich zur antwort/ daß ein mensch der gedancken hatt/ nie- mals weniger allein ist/ als wann er allein ist. Vnd was sindt es für + + + + + + + +

gedancken? sprach Venator: solten sie wol an jener tannen ste- hen? (dann sie hatten mir von ferren zuegesehen. ) Wie gern ich sie auff was anders leiten wollen/ traten sie dennoch hinan/ vndt la- sen. Zwey wiederwertige dinge/ sagte eben er Venator; lieben/ vndt reisen. Ich habe freylich gehöret/ daß du deinem Vaterlande auff etzliche monat guete nacht geben/ vndt in dem königreiche darauß ich newlich abgereiset bin/ die ziehr der städte/ die schule der leutseligkeit/ die muter der gueten sitten auff der insel der Seyne begrüßen wilt. Es wirdt dich aber der strenge dienst/ in dem du dich befindest/

Der liebe dienstbar sein/ hub Venator an/ heißet die liebe zum herren haben: dann welcher dienet/ muß einen herren haben dem er dienet. Ist jhm nicht also? Ja sagte ich. Ein herr/ redte er wei- ter/ ist der jenige/ der das was er wil/ oder nicht wil/ zue thun oder zue laßen macht hatt. Wirdt dich nun die liebe zue halten begeh- ren/ die mehr einem tyrannen als einem herren ähnlich siehet/ weil sie nicht allein den leib/ sondern auch das freye theil des men- schen das gemüte zum sclaven macht/ so schawe du/ wie es vmb +

Vertrawe dich der see/ dem Frawenzimmer nicht; Dieweil kein glaß so baldt als jhre gunst zerbricht. Kein weib ist guet/ vndt ist ja eines oder zwey/ So weiß ich nicht wie guet auß bösem worden sey.

Andere sprechen:

welche worte ich sie dann verfechten laße. Wiewol auch eine stoltze abgeführte Dame/ (dann also nennen sie vnsere auffwar- ter) die niergendt schöner ist als in jhrem eigenen spiegel/ offtmals mit gleicher müntze bezahlt wirdt/ als in welcher kundtschafft sich einheimbische vndt frembde zue spielen pflegen/ nicht liebe zue suchen/ welche bey einem vnbestendigen weihe nur übel angeleget + + + +

ist/ sondern sich mitt jhrem anmutigen gespreche vndt buhleri- schen sitten zue erlüstigen. Diese aber wie klug sie auch ist/ mer- cket doch nicht/ [16] daß jhr solche höffligkeit mehr der erget- zung/ als liebe wegen erzeigt werde. Darumb wie sie durch jhr tägliches auffnemen vndt tägliches verstoßen andere schertzet/ also wirdt sie von andern wieder geschertzt. Ein mal ist es gewiß/ daß eine solche liebe gemeiniglich eine arbeit des müßigganges/ eine hoffnung der vnbedachtsamkeit/ vndt darumb eine beherr- scherinn eines knechtischen hertzens ist/ weil diese flüchtige schönheit mehrmals mitt so vielem auffwarten/ flehen/ weinen vndt fußfallen/ dergleichen zue thun ein edeles gemüte in reiffes bedencken nimpt/ wil bedienet werden. Soll aber je die liebe recht antreffen/ so muß sie die vernunfft zum gefehrten haben/ muß den eußerlichen sinnen/ sonderlich aber den augen/ welche als zwey vnachtsame thürhüter zum offtern allerhandt falsche meinungen zue dem gemüte einlaßen/ den muth brechen/ vndt durch vrtheil vndt verstandt von der außwendigen schönheit zue der inwendi- gen/ welche durch diese angenemer gemacht wirdt/ dringen kön- nen. Wie die blumen so an sich selber schöne sindt/ dennoch an- mutiger zue sein scheinen/ wann sie vnter einem klaren waßer her- für leuchten: also ist die blüte des gemütes/ wann sie mitt einem schönen leibe vmbhüllet ist. So soll nun die schönheit des leibes nichts anders sein als ein fürfechter der blüte der tugendt/ vndt als ein heroldt einer größeren schönheit weder sie nicht ist: als wie der glantz/ welcher sich diesen morgen von hiesigem gefilde bli- cken ließ/ ein vorbote der güldenen Sonnen war. Wie ferner Py- thagoras die Sonne für einen gott/ Anaxagoras für einen stein ansahe; also wirdt die schönheit anders von den begierden/ anders von der vernunfft angesehen/ welche auch von dieser jnnerlichen schönheit allgemach zue der jenigen steigen lernet/ die dem was

Eine stattliche rede/ mein Bruder/ sagte ich/ vndt die leichtlich zue erkennen giebt/ in was für einer schulen/ bey was du für einem manne (der allein exempels genung ist/ daß ein weißer mann dem glücke die wage halten/ vndt dem vngestirne der zeiten gebie- ten kan) an den trechtigen feldern des Reines/ wo die Elle vndt Breusche von jhm verschluckt werden/ vorwiechener zeit gele- bet hast: deiner eigenen geschickligkeit/ welcher Apollo vndt der himmel nichts versaget/ zue geschweigen. Es leßt sich aber der- gleichen viel behertzter reden/ als in das werck richten. Doch ver- hoffe ich eine solche mäßigkeit in der liebe zue treffen/ daß sie mich an meinem fürhaben dennoch nicht verhindern soll. Wer sei- + + + + + + + +

Ich muß jhm gleichwol nicht gar hülffloß laßen/ fieng Nüßler an/ vndt bilde mir gäntzlich ein/ daß er jhm auff der Poeten art/ wel- che/ der Natur nichts nach zue geben/ offtmals sachen erdencken/ die nie gewesen sindt/ noch sein werden/ eine liebe mache/ die er nie in den sinn gebracht/ vndt zum theile anderer leute buhlschaff- ten/ eitelkeiten vndt müßige vnrhue durch seine ertichtete fürbil- den/ zum theile die einsamkeit/ darinnen er sich dieser zeit befin- det/ lieber mitt diesem/ als mitt nichts thun erleichtern wolle. Steckt aber auch etwas von dem anmutigen übel bey jhm/ das vnseren standes leuten nicht vngemein ist/ so schätze ich jhn frei- lich weniger glückselig als die jenige/ welcher er mitt seiner Poete- rey ein vnsterbliches lob vndt gerächte vervrsachen wirdt; wiewol das Frawenzimmer dergleichen offtmals entweder nicht verste- het/ oder vnsere getichte lieber als vns hatt. Ich hoffe aber gäntz- lich/ das reisen/ darzue mir bißher niemals der wille/ sondern das glück vndt die umbstände meiner gantzen wolfahrt gemangelt ha- ben/ werde jhm in kürtzen was anders an die handt geben.

Vndt ob ich wol/ liebster mittgeselle/ sagte er zue mir/ deine abwesenheit kaum mitt gedultigem hertzen werde ertragen kön- nen/ so finde ich doch nicht/ wann ich meine ergetzligkeit deinem fromen nachsetzen wil/ was ich dir aller beschaffenheit nach beß- sers rhaten/ oder auch wündtschen solle. Wie ein waßer das nie- mals gereget wirdt/ endtlich anfengt zue faulen vndt stincken: also werden auch vnsere gemüter durch vbermäßige rhue träge vndt + + + + + + + +

verdroßen gemacht; welche weil sie etwas himmlisches sindt/ so [20] sollen sie auch billich dem himmel/ der ohn vnterlaß in bewe- gung ist/ nachfolgen. Vndt wann du diesen großen menschen die welt ansiehest/ was leßt darinnen vngereiset? Die Sonne vmbwan- dert den erdenkreiß alle tage: der Monde/ vndt der gantze pöfel des gestirnes/ haben jhre wanderschafft/ trösten durch jhr liebli- ches anblicken die vmbschweiffenden/ vndt zeigen den jrrenden häusern den schiffen wo sie hin sollen. Hast du nie gesehen/ wie die see von jhrem vfer zue rechter zeit hinweg geflohen/ vndt auff gewiße stunde allzeit ist zuerück gekehret? Die vierfüßigen thiere lauffen von einer wildtniß in die andere; die fische steigen auß der see in die flüße; die vögel/ welche jetzundt hauffen weise in jhr winterquartir geflogen sindt/ werden mitt dem anbrechenden frü- linge wieder hieher vndt zue felde kommen. Ja die gantze Natur giebt vns anlaß zum reisen/ vndt wil vns gleichsam zeigen/ daß wir auff ein vaterlandt gedencken sollen/ welches nicht krieget noch bekrieget wirdt/ vndt die stete herbrige aller fromen wandersleute ist. Zwar wir pflegen von Natur das jenige landt zue lieben/ deßen athem wir erstlich geschöpfft/ das wir zum ersten getreten/ dem wir vnsere kindtheit vndt aufferziehung zue dancken haben/ vndt darinnen vns lufft/ waßer/ flüße/ äcker vndt alle gelegenheit am besten bekandt sindt. wir reisen aber darumb/ daß wir jhm nach vnserer zuerückkunfft/ vndt erlernung frembder völcker spra- chen vndt sitten/ desto rhümlicher sein mögen/ vndt mitt dem was wir auff gemerckt zue staten kommen. Dann mitt diesem bedinge/ mein Bruder/ wirst du hinweg gelaßen/ daß du/ wann der außgang dem vorsatze überein stimmet/ vns deiner über die zeit nicht ent- beren laßest. Anderwerts den fuß ein zue setzen/ verursacht ein stetes verlangen nach den seinigen/ vndt gemeiniglich einen neidt

bey denen/ wohin wir vnseren zuestandt gepflantzt haben. Wiewol auch nicht ohn vrsach: [21] Dann durch beföderung frembder bleiben die einheimischen dahinden stehen; vndt wann solches nicht mäßig geschiehet/ muß endtlich mißvertrawen/ vnrhue/ auch wol gar verenderung des allgemeinen wesens darauß erwach- sen: welches die alten Römer wol wußten/ vndt heutiges tages die klugen fischer in der Adriatischen see zimlich in acht nemen. Zur Pestzeit/ wann die todtengräber in ein hauß gehen/ so kan man leicht gedencken/ daß jemandt darinnen gestorben sey: also zei- get die einnemung der außländer (welches aber allein von der überhäufften menge zue verstehen ist) daß nur der gemeine nutz in letzten zügen liegt.

Von dir wil ich mir nicht einbilden/ daß du dich eines vndt ande- res trübes wölcklein vnsers Vaterlandes vertreiben laßest; dann du ja auß der aschen in das fewer/ vndt an die jenigen orte geden- ckest/ wohin das freßende wüten der waffen/ vndt die rache der gesuchten beleidigung/ sich auß hiesigen winckeln erst recht zue wenden/ vndt alles auff eine merckliche verenderung angesehen zue sein scheinet. Ich mache mir viel mehr rechnung/ daß die liebe der deinigen/ vndt die rhue welche dir bißher so gnädig ist verliehen worden/ deinen fuß offtermals zuerücke ziehen/ vndt deiner entschließung dieses vndt jenes in den weg wollen werffen. Wie nun freylich ein freundt ein lebendiger schatz ist/ der lange gesucht/ kaum gefunden/ vndt schwerlich verwahret wirdt: so ist doch die vngefärbte liebe an keinen ort gebunden/ vndt jhre abwe- senheit wirdt zum theil durch das gedächtnis voriger gesellschafft/ zum theil durch schreiben/ welches die rechten fußstapffen vndt kennezeichen trewer gemüter sindt/ nicht wenig erträglicher ge- + + + + + + +

macht. So weiß ich auch nicht/ wie gar zue stete gemeinschafft vns gemeiniglich zart/ vndt auch deßen überdrüßig macht/ was [22] im leben das beste ist. Zue geschweigen/ was du auch an jenem orte entweder allbereit für grosse berhümbte leute zu freunden hast/ oder doch bekommen wirst: welche nur zue sehen ich für ein theil meiner glückseligkeit schätzen wolte. Ist ferner etwas dergleichen/ weßen dich Venator beschuldiget/ vndt liebest der schönheit we- gen/ so wirdt auch solches verlangen eher verschwinden als du jetzt vermeinen magst. Eines fuchsschwäntzers freundtschafft besteht nicht lange/ weil die heucheley vndt anmaßung der falschen warheit durch die zeit verzehret wirdt: wer nun der schönheit oder ziehr wegen liebet/ der giebet nur einen schmarotzer bey dem welchen er liebet/ vndt sindt also seine guete worte auff kein ewiges angesehen. So mußt du auch wißen/ ob du wieder geliebet wirst/ oder nicht: dann ich wil nicht hoffen/ daß du auß der jenigen zahl seyest/ welche sich selbst einer gegenliebe bereden wo sie nirgendt ist/ vndt wie jener sindt/ der jhm in seiner frölichen blödigkeit einbildete/ alle schiffe die auß Indien segelten weren seine; gieng an den port/ frewete sich über jhrer gueten ankunfft/ hieß außladen/ und was der narrheit mehr war: auch über diß mit seinem bruder zürnte/ daß er jhm durch die ärtzte von solcher reichen thorheit abhelffen lassen/ vndt jhn seiner besten lust beraubet hette.

So bist du in aller zeiten historien vndt exempeln dermaßen durchtrieben/ daß du wol weißest/ wie das frawenzimmer nicht allein offtmals die wangen/ sondern auch die worte zue färben pfleget/ vndt daß kein waßer geschwinder eintrucknet als weiber- threnen. Wie ich dir ferner mitt trawrigen augen nachschawe/ so bin ich der hoffnung/ der wahren welche du zue holen außzeuchst/ die kein Zöllner anhalten/ kein seerauber versencken/ kein fewer verzehren kan/ ehist durch dich zue genießen. Du bist in dem al- ter/ da die besten reisegesellen/ wahl vndt vrtheil/ mitt dir ziehen/ + + + + + +

Aber/ sagte Nüßler/ was halten wir vnsere gäste mitt anderen reden auff/ weil jhnen vielleicht lieber were/ in diesen plätzen vndt gefilden sich vmb zue schawen? Sie lißen es jhnen belieben/ satz- ten sich zuvor etwas vnter den schatten der hohen bäwme/ vndt [24] erzehlten von diesem vndt jenem/ was es theils in eines jegli- chen seinem vaterlande/ theils mitt jhrem eigenen zuestande für + + + + + + + +

beschaffenheit hette. Als sie nachmals vermeinten weiter zue ge- hen/ vndt die gelegenheit selbiger orte zue besichtigen/ kamen sie ohn gefehr an eine schöne bach/ die mitt jhrem silbergläntzenden waßer die augen/ vndt mitt dem lieblichen geräusche ohren vnd sinnen ergetzete. Ein edeles flüßlein/ fieng Venator an/ vndt weil die berge dermassen nahe sindt/ so muß es nicht weit hiervon ent- springen. Laßt vns/ sagte Buchner/ ein wenig daran hinauff spat- zieren. Wir waren fast an den wurtzeln des schneegebirges/ als wir einer Nimfe/ die an einer frischen grotte oder höle auff den lin- cken arm gelehnet lag/ gewahr worden/ welche mitt einem subti- len durch scheinenden schleyer bekleidet war/ die haare/ so mitt einem grünen krantze geziehret/ auff eine frembde art auffgebun- den hatte/ vnd vnter der rechten handt ein geschirr von dem wei- ßesten marmor hielte/ darauß das quell des bächleins geronnen kam. Wiewol wir nun über dem plötzlichen anschawen nicht allein erschracken/ sondern auch im zweiffel stunden/ ob wir stehen sol- ten oder lauffen/ fieng doch die schöneste creatur/ oder viel mehr göttinn/ mitt anmutiger stimme also an zue singen:

Wir stunden verwundert vnd bestürtzt/ weren auch auß schre- cken zuerück gelauffen/ wann sie mich nicht mit höfflicher demut bey der handt genommen/ vndt die andern zue folgen vermahnet hette. Als wir in die höle hinein kamen/ sahen wir nichts für vns als ein lauteres waßer/ das sich gegen jhr wie ein berg aufflehnete/ vnd wir also trucken hindurch giengen. Von dannen befunden wir vns in einer fast kühlen grotte/ auß welcher nicht allein dieses wa- ßer sämptlich gefloßen kam/ sondern auch andere ströme durch verborgene gänge vndt adern der felsen hinauß drungen. Diß ist/ sagte sie/ die Springkammer der flüße/ darvon so viel felder be- feuchtet/ so viel flecken vndt städte versorget werden. Diese klei- nere bach (darauff sie dann mit jhren schneeweißen fingern zei- gete) ist auch ein theil des Zackens an dem jhr hieher gegangen seidt/ vndt wirdt nicht ferren von dem gebirge mitt dem andern vermenget. Hier zur seiten sehet jhr den vrsprung des fischrei- chen klaren Bobers/ der jhm in einem schattichten walde sein thor gesucht hatt/ darauß er sich durch berg vndt thal zwinget vndt windet/ vndt/ nach dem er bey Hirschberg den Zacken in sich ge- schluckt/ auch etzliche städte/ darunter/ sagte sie zue mir/ dein nicht allein dir sondern auch vns Nimfen liebes/ aber erschöpfftes Vaterlandt ist/ begrüßet hatt/ endtlich an dem ende des landes Schlesien seinen strom vndt namen der Oder/ dem haupte vndt regentinn der Schlesischen flüße/ zuegleich einantwortet. Wie dann die goldt-[26]führende wilde Katzbach/ derer brunnen + + + + + +

Wie wir vns nun über den seltzamen dingen der Natur verwun- derten/ vndt den vnerschöpfften lauff der gewäßer bestürtzt in augenschein genommen/ auch von wegen des großen gethönes vndt rauschens der auffspringenden fluten fast das gehör verloh- ren hatten/ gieng sie durch ein weißes thor/ welches vns von mar- morstein zue sein bedünckte/ für vns her/ vndt; Beschawet nun/ sagte sie/ das ort/ welches für mannes augen zwar sonst verschlos- sen ist. In diesem Erdengemache pflege ich sampt meinen schwe- stern der Thalien/ Arethusen/ Cydippen/ Opis vndt den andern die zeit zue vertreiben. Diese anmutige höle war nach art der alten tempel zirckelrundt/ vndt in zimlicher höhe. Ringes vmbher stun- den gefrorene cristallen säulen/ welche von der grünen bewachse- nen erden biß an die decke reichten/ vndt mitt jhrem durchsichti- gen glantze das gantze zimmer erleuchteten. Mitten innen saßen die Nimfen/ alle blüende vndt jung von antlitz/ auff grünen teppi- chen in einem kreiße vmbher/ sponnen/ stickten vndt neheten an der subtilesten leinwadt/ hatten allerhandt liebliche gespreche/ vndt [27] erwehnete gleich damals eine/ wie die stoltze weberinn Arachne der Minerven kampff angeboten; weil aber jhre arbeit der himmlischen nicht zuegesagt/ sich selbst erhenckt habe/ vndt nachmals in eine spinne verwandelt worden sey: daß sie nunmehr +

als ein beyspiel der vermeßenheit für den augen aller welt wircken vndt weben muße. Wer seine hoffart an den vnsterblichen außla- ßen wil/ fieng eine bräunlichte an/ so Lycorias sein solte (vnsere begleiterinn aber hieße Hercinie) dem bekömpt es ja allzeit übel; vndt erzehlte wie der närrische Midas mitt seiner block- pfeiffen den Apollo außgefodert/ vndt endtlich nicht allein nicht den danck/ sondern auch gar eselsohren davon bekommen habe: welches er zwar/ gemeinem gebrauche der menschen nach/ ver- bergen wollen/ solches auch seinem diener zue offenbahren ver- boten habe. Dieser aber/ dem gäntzlich zue schweigen vnmöglich gewesen/ were zue einem schilffichten orte gegangen/ hette seine heimligkeit den rhoren vertrawet/ die/ wann der windt daran ge- schlagen/ nachmals alle zue schreyen angefangen: Midas hatt eselsohren. Sie lachten/ vndt; Es mögen wol rhore sein/ fieng eine andere an/ darmit gelehrte leute schreiben/ vndt die jenigen für der gantzen welt zue schanden machen/ welche mitt jhrem vnbesonnenen vrtheile von hurtigen vndt gelehrten gemütern wol zue erkennen geben/ daß sie Midas gleichen sindt.

Nicht weit von jhnen lagen etzliche lauten/ geigen vndt andere musicalische instrumente; auch köcher vndt pfeile/ die sie/ wann sie nebenst den Waldtgötinnen vndt Bergnimfen sich mitt dem ge- jägdte ergetzen/ zue gebrauchen pflegen. An der wandt waren vnterschiedene historien mitt kleinen muscheln vndt kleinen steinlein/ vndt zwar so künstlich/ eingelegt/ daß wir hinzu giengen/ [28] vndt es mehr für eines Apellens werck als für sonst etwas + + + + + + +

ansahen. Vnter andern stundt die geschichte/ wie der Jupiter/ wel- chen sein Vater Saturn freßen wollen/ dem aber die Muter Rhea einen stein in die windeln gewickelt/ vndt zue verschlucken gege- ben habe/ von jhren der Nimfen schwestern sey erhalten/ vndt durch einen adler bedienet worden. Baldt darneben/ wie andere auß jhnen den Bacchus bey Nisa in Asien erzogen/ welche Jupiter nachmals zur danckbarkeit hinauff genommen/ vndt zue den Hya- den/ dem schönen gestirne/ das vns gemeiniglich regen ankündi- get/ gemacht habe. An einem andern orte/ wie die Nimfen Erato/ Pemfredo vndt Dino dem Perseus flügel vndt tasche (welche jhm gleichwol von den mahlern der himmlischen bilder abgestrickt wirdt) geliehen/ durch derer hülffe er der Medusen das haupt ab- geschlagen/ vndt endtlich die Andromeden/ der stoltzen Caßio- peen tochter/ von dem grawsamen meerwunder erlöset. Ferner wie die Syrinx/ als sie für dem Pan geflohen/ in die pfeiffe so Mer- curius nachmals gebraucht wie andere Flußnimfen von dem er- zürnten Achelous in die Echinadischen inseln verwandelt wor- den; vndt was allhier zue erzehlen nicht gelegenheit ist.

Kompt weiter/ sagte Hercinie/ vndt beschawet die wohnung Thetis der vnsterblichen muter der Nimfen/ wann sie durch die verborgenen gänge des erdtreichs mitt jhren seeroßen hieher zue fahren/ vndt vns zue besuchen pfleget. Wir giengen in begleitung aller anderen Najaden/ denen die gelben haare vmb den zarten halß vndt brüste/ vndt die dünnegewebten mäntel vmb jhre bloße leiber flogen/ durch eine ärtzinne pforte/ vndt kamen in einen köstlichen saal von großer länge vndt breite. Der boden war an + + + + +

Ihr hirten/ fieng Hercinie an/ wir wißen was der himmel vndt die Musen euch verliehen/ vndt mitt was für begiehr der wissenschafft jhr behafftet seidt. So laßet euch nun/ indeßen das meine Schwe- stern den Vnsterblichen jhren dienst erzeigen/ vnd jhr gebürliches opffer fürtragen/ von mir zeigen/ was die gemelde vnd schrifften an den wänden allhier in sich halten. Wißet/ sagte sie ferner/ daß alles was jhr biß anher gesehen vndt noch sehen werdet/ inheimi- sche außbeute/ in diesen gründen geseiffet/ in diesen wäßern + + + + +

gewaschen/ hier gefunden vndt gearbeitet sey. Der weiße [30] chalcedonier/ der schwartze cristall/ der violbraune amethist/ der blawe saffir/ der striemichte jaspis/ die tunckelrothen granaten/ der fleischfarbene carniol/ der rothgelbe gifftfeindt der hya- cinth/ der gelbichte beryll/ der vielfärbichte achat/ der gelbe topa- zier/ welchen jhr in der handt jenes adlers (vndt zeigte einen adler an der decken darauff Ganymedes saß) als einen plitz fünckeln sehet/ der helle demant/ sindt alle hier zue hause. Diese perlen/ dieses silber/ diß goldt ist in flötzen vndt quärtzen/ flämmicht vndt körnicht in hiesigen reichen gefilden vndt gegenden an zue tref- fen; des zinnes/ kupffers/ eisens/ glases vndt allen deßen was die magdt des höchsten Gottes vndt die gütige muter der menschen die Natur sonst gebiehret/ zue geschweigen. Hiermit führte sie vns erstlich wiederumb der pforten zue/ darüber folgende reime stun- den:

Nechst diesen Versen/ die in eine schwartze steinerne platten gehawen waren/ folgeten auff der einen seiten viel historien vndt bilder von erschaffung der welt; von der güldenen/ silbernen/ irr- denen vndt letzlich eisernen zeit; von den himmelstürmerischen + + + + + + +

Giganten; der überschwemmung des erdtbodens; alles in der ord- nung wie es Hesiodus/ Apollodorus/ Hyginus vndt andere/ sonderlich der sinnreicheste vnter allen Poeten in seinen verwan- delungsbüch-[31]ern (darumb es allhier zue wiederholen vnnö- tig ist) verzeichnet haben. Auff der andern seiten stundt erstlich eine landttafel/ darinnen vnterschiedene berge/ schlößer/ flüße vndt felder zue sehen waren. Dieses/ sagte sie/ ist die gelegenheit hiesiger orte/ deren größestes theil von langer zeit her die edelen Schaffgotschen/ weßen geschlechtes verlauff jhr in folgenden ge- melden vndt schrifften biß auff jetzigen werthen helden vernemen sollet/ beherrschen. Ihr vhraltes geblüte/ jhre tugendt/ jhre löbli- che thaten/ vndt sonderlich die stille rhue/ welcher wir vnter jhnen als gleichsam schutzgöttern bißanhero genoßen/ hatt verdienet/ jhnen bey vns allhier diß gedächtniß auff zue richten. Damit ich aber euch/ als denen so zue nachsuchung der alten zeiten sonderli- che lust tragen/ etwas außführung thue/ so wißet daß wie hiesiges hohe risengefilde/ hiesiger flintzberg vndt schneegebirge an- fänglich von natürlichen erbursprünglichen deutschen/ den Mar- comannen/ Marsingern vndt dergleichen bewohnt/ also auch von jhnen zueweilen der Hartz oder Hercinische waldt/ darvon ich heiße/ zueweilen das Sudeten oder Sudöden gebirge sey ge-

nennt worden: biß die Sarmatischen Winden (nicht die Wandali- schen Völcker) jhre Vistul oder Weixel überschritten/ vndt sich dieser vndt anderer lande bemächtigt haben. Daß aber dennoch allzeit etwas von Deutschen übrig verblieben sey/ könnet jhr dan- nenher von euch selbst schließen/ daß der name Bömen/ wel- cher allbereit vor anderthalb tausendt jharen vndt viel zeiten vor der Winden einfall berhümbt gewesen/ noch heutiges tages nicht verloschen ist; wie dann auch ein theil dieser berge die Alpe oder Elbe vndt dergleichen/ bey jhren ältern wörtern biß anjetzo ver- blieben sindt. Hetten ewere Deutschen mit solchem fleiße denck- würdige große thaten auffschreiben/ als verrichten können/ oder die blutigen kriege für etzlichen hundert jharen [32] mitt den leu- ten nicht auch zuegleich das gedächtniß derselbten vndt alle ge- schickligkeit außgerottet/ so köndte der edelen Schoffe (dann also worden sie vormals genennet) werther name/ vndt die tapffer- keit welche sie zue beschützung des vaterlandes angewendet/ euch mehr vor augen gestellet werden: bey vns haben wir jhren rhum allein von der zeit auffgemercket/ seidt vnsere bäche vnter jhrem schirme ruhig gefloßen/ vndt sie besitzer der orte/ die zum theile hier entworffen stehen/ gewesen sindt.

Hierüber trat sie fort/ vndt; Dieser/ sagte sie/ welchen jhr in gantzem küriß stehen sehet/ ist der frey werthe heldt Gothardt/ oder/ wie damals den alten zue reden beliebet hatt/ Gotsche + + + +

Schoff/ der seinen kindeskindern mitt dem größeren lobe vndt auffnemen auch seinen namen/ deßen sie sich sämptlich rhümen/ übergeben hatt. Wir wißen nicht anders/ als daß sein vater Vlrich Schoff geheißen/ vndt fast für dreyhundert jharen Burggraff zue Kinsberg gewesen sey. Edele Nimfe/ fieng ich an/ wann ein mensch eine göttin zue fragen macht hatt/ warumb daß seine rechte faust gleichsam blutig abgebildet ist? Vor Erfurt/ gab sie zur antwort/ hielte er sich bey gelegenheit eines außfalles so wol/ das jhn der Feldherr/ keyser Carl der vierdte/ alßbaldt für sich fodern ließ/ jhm seine wolverdiente gnade persönlich an zue tra- gen/ vndt die handt zue bieten. Er aber/ der vom würgen der feinde erst zurück gekehret/ hatt die blutigen finger an seine blancke rüstung gewischt/ vndt also den Keyser mitt dieser wer- then faust geehret; welcher jhn dann zum ritter geschlagen/ vndt das hochadliche wapen mit vier rothen striechen deßentwegen ge- ziehret hatt/ daß seine nachkommenen nicht allein wißen möch- ten/ wie jhr adel/ der vor alter von trefflichen thaten hergerhüret/ ingleichen von trefflichen thaten vermehrt worden sey: sondern auch durch dieses zeichen als einen leb-[33]hafftigen zunder zue dergleichen solten angeregt/ vndt auffgemuntert werden. Wan- nenher aber ist der grüne bawm in eben diesem wapen? fragte

ich. Der sieghaffte Bolco/ sagte sie/ Hertzog zur Schweidnitz vndt Jawer/ deßen bruders tochter Carl der vierdte zur ehe hatte/ liebte jetzt erwehnten Gothardt Schoff seinen waffenträger des löblichen verhaltens vndt vieler hohen tugenden wegen derma- ßen/ daß er jhm hiesigen riesenberg/ die trächtige Iser sampt an- gräntzenden böhaimbischen walde/ das birgguet Schmiedeberg neben aller zuegehör/ wie auch das feste schloß oder berghauß Kinast/ auß fürstlicher miltigkeit zue erbeigen übergab vndt ver- ehrete; darumb dann der Kieferbawm oder Kinast zue dem vhral- ten wapen ist gezogen worden. Mitt Friedeberg aber/ das jhr in der tafel gegen dem gebirge zue am Queiße liegen sehet/ wie auch mitt der stadt Greiffenberg/ welche der himmlischen weberinn Mi- nerven dermaßen lieb ist/ vndt der festung oder dem berghause Greiffenstein/ so hertzog Boleslaus der Heiligen Hedwigen Sohnes Sohn erbawet/ hatt jhn vorbemeldeter Keyser beschencket; daß also die besitzung hiesiger orte ein lauteres verdienst der tugendt ist.

Allerschöneste Nimfe/ sagte Nüßler/ wir müßen gleichwol die reime darbey vngelesen nicht laßen. Sie stellete es vns anheim/ vndt gab so viel zueverstehen/ sie weren darumb eingehawen. Rit- ters Gotschen überschifft war diese:

Ich werde recht von dir mein werther stamm geehret/ Weil ich dir namen/ rhum vndt wapen hoch vermehret; Die roten striche hatt kein geldt noch gunst erdacht/ Der Keyser hatt sie nur gelobt/ der feindt gemacht.

Vnter dem wapen neben seiner tafel:

Nachfolgende drey/ redte Hercinie ferner/ sindt ritter Got- hardts Söhne. Der erste zur rechten handt eben des namens; de- ßen drey Söhne/ Vlrich/ Gotsche vndt Hans/ welcher fast für an- derthalb hundert jharen gestorben/ gleich vnter jhm sindt. Der dritte/ so zur lincken/ Henrich oder Hentze Schoff auff Kemnitz/ deßen zwey Söhne/ Henrich vndt Peter/ auch vnter jhm stehen. Der andere/ in der mitten/ ist Hans Schoffgotsche auff Kinast/ den wir in seinen nachkommenen noch anietzo blühen vnd wachsen sehen. Die sechse/ wie jhr sie ordentlich nacheinander allhier ge- setzt findet/ sindt seine Söhne. Der ältere ist Christoff/ den ein anderer edelmann wenig adelich vnversehens erschossen hatt. Der andere Ernst des namens/ welcher darumb ein zuesammen gerolltes schreiben in der faust hatt/ weil er der Fürstenthümber Schweidnitz vndt Jawer Cantzler gewesen; wie dann solche Cant- zelley nebenst dem ampte des Hoffrichters zur Schweidnitz/ von etzlichen hundert jharen an den Herren Schaffgotschen eigen- thümblich hatt zuegehört. Der dritte ist Jeronymus der blödtsin- nige. Der vierdte Antonius. Er siehet schwartz auß; sagte einer von vns. Man hatt jhn auch/ gab Hercinie zur antwort/ wie er sich dann selbst/ den Reppelgotschen geheißen/ ist ein statlicher mann/ vndt mitt einer gebornen Freyinn von Schumburg vermählt gewesen. Der fünffte Caspar. Der letzte Vlrich/ ein streitbarer mann/ der mitt seiner strengen faust die ritterschafft auff der +

Buntzlischen heiden gewonnen; wie auff seinem schwerdte/ das noch verhanden/ zu lesen ist. Doch besagt es auch die über- schrifft:

Des ritters rhüm ich mich/ dieweil ich obgesieget: Ich bin kein kriegesmann der niemals hatt gekrieget/ Kein ritter ohne feindt/ kein reuter ohne pferdt; Wer von mir wißen wil/ der frage noch mein schwerdt.

Wie nun Christoff/ Jeronymus vndt Ernst leibeserben nicht ge- laßen; also sehet jhr vnter einem ieglichen der andern jhre Söhne. Des Antons sindt Friedrich/ Ernst/ Vlrich/ Ritter Anton/ welcher mitt einer ketten vmb die armen abgebildet/ weil er von den Sara- cenen gefangen/ an den pflug gespannet vndt sehr übel gehalten worden/ wiewol er endtlich in seinem Vaterlande verschieden; Rit- ter Hans Kayserlicher Rhat vnd Cämmerer/ vndt Bernhard auff Rurlach; deren kindeskinder theils noch bey leben. Vber dem An- ton waren diese worte eingegraben:

Ich wardt gefangen zwar/ vndt habe viel erlitten/ Du wilder Saracen/ nach dem ich dich bestritten: Doch was dann hast du jetzt von mir in deiner handt? Der himmel hatt den geist/ den leib das Vaterlandt.

Caspar/ redete Hercinie weiter/ wie jhr sehet/ hatt fünff Söhne hinterlaßen: Watzlawen/ der jhm durch reisen vndt geschicklig- keit großes ansehen gemacht/ Hansen/ Christoffen/ Casparn (de- ßen einiger Sohn Adam/ Freyherr auff Trachenberg vndt Prauß- nitz/ wiewol er zwey gemahlinn/ deren die letzte eine Gräffinn war/ gehabt/ ohn erben gestorben ist) vndt Balthasern/ der vier Söhne erzeuget: wie dann der letzte ritterliche heldt Vlrich der fast vier- zig jhar über die Fürstenthümber Schweidtnitz vndt Jawer Haupt- mann gewesen/ vndt in die neunzig jhar alt worden/ Wolffen vndt Hansen erzeuget/ deßen Wolffens Sohnes Sohn Vlrich oder Vdal- + + + + +

Soll ich mich schämen dann des namens der Poeten? Ist kunst vndt wißenschafft dem adel nicht von nöthen? Standt blüet durch verstandt: hett ich nicht standt gehabt/ So hette mich verstandt mitt adel doch begabt.

Obberhürte vier des Herrn Balthasars Söhne/ Freyherren/ sindt der zur rechten Herr Balthasar auff Langenaw/ der zur lin- cken handt Herr Caspar zue Trachenberg/ der neben diesem Herr Watzlaw auff Bernßdorff/ vndt der in der mitten oben an der in krieges vndt friedens tugenden erfahrene Herr/ Herr Christoff/ vnter deßen Sohne/ dem Hoch wolgebornen Herrn/ Herrn Han- sen Vlrichen/ dem freyen vnverzagten helden/ dieses vorgebirge/ diese wälder vndt brunnen/ vndt wir Nimfen solcher rhue/ solchen friedens genießen/ daß wir die angräntzenden fewer der blutigen Bellonen/ dieses klägliche getümel der waffen biß anhero zwar von ferren angeschawet haben vndt gehöret/ aber (welches zue einer gueten stunden geredet sey) nie erfahren dürffen.

Hierauff schwiege die leutselige Hercinie etwas stille; ich aber lase die reimen/ so bey Herren Christoffen seliger gedächtniß ver- zeichnet waren:

An tugendt bin ich recht/ vndt linckisch auch/ gewesen: Warumb? dieweil ich diß geschrieben vndt gelesen Was thaten würdig ist/ vndt gleichfals diß gethan Was der so thaten lobt gar wol beschreiben kan.

Indeßen fragen die andern wegen der sachen die nach jhm stun- den. Hier zue nechste/ fieng sie an/ ist seine tapffere/ hochverstän- + + + +

dige gemahlinn/ des vhralten geschlechtes der Freyherren von Promnitz/ welcher vnsterbligkeit vndt verdienst eine größere zeit [37] bedörffen/ als daß sie allhier können erzehlt werden. Sehet aber jhre überschrifft:

5 Ich bin in diese welt von heldenstamme kommen/ Die ziehr der helden hatt zur ehe mich genommen/ Ein heldt der kam auß mir an dieses liechtes schein/ Wie solte dann nicht ich auch eine heldinn sein?

Von jetzigem erst gemeldeten regenten/ sagte die Nimfe/ könnet jhr den jnhalt folgender tafeln weitleufftig vernemen. Seine hohe beschaffenheiten/ sein verstandt in anschlägen/ sein muth im strei- ten/ seine ritterliche thaten verdienten zwar von allen edelen ge- mütern sinnreicher Poeten in das register der ewigkeit eingetra- gen zue werden/ er aber/ als ein vollkommener Heldt/ ist auch mitt solcher demut begabet/ daß er nicht gern von jhm rhümen leßt/ was doch die that vndt warheit selber redet. Was jhr aber allhier sehet/ haben die Parcen/ Clotho/ Lachesis vndt Atropos/ als sie jhm auff befehl des himmels die faden des lebens gesponnen/ ein- helliglich gesungen/ vndt mitt buchstaben von demant dem roste der zeit zuegegen in diesen schwartzen cristall versetzt. Wir ver- wunderten vns nicht so sehr über der menge der edelen gesteine/ als über der fürtrefflichen arbeit/ welche von solcher kunst vndt schönheit war/ das wir wol abnemen kundten/ menschen hände würden dergleichen nach zue thun sich vmbsunst bemühet haben. Das getichte aber vndt weißagung der Parcen waren von worte zue worte diese:

Wir hatten vns an der schönen tafel die augen/ an der weißagung aber/ welche wir nun mehrentheils erfüllet zue sein wußten/ auch das hertze erquickt/ vnd wünschten dem Helden solche ersprößli- che wolfarth/ wie jhm allhier zue ende angekündigt würde. Die andern Nimfen hatten sich vnter dem lesen alle hinauß verlohren/ Hercinie aber; Ihr hirten/ sagte sie/ so viel ist menschlichen augen allhier zue besichtigen erlaubet/ vndt jhr werdet mitt meiner vndt meiner schwestern anjetzo erzeigten gunst vergnüget sein. Also führte sie vns durch ein anderes thor in eine newe höle/ die zue weilen so enge war daß wir fast nach der seiten durch gehen muß- ten/ zueweilen aber viel thäler vndt berge in sich zue halten schiene. Nach dem wir eine guete weile also gegangen waren/ ka- men wir an einen fast heißen ort/ voll schweffelichten dampffes/ zue deßen beyden seiten ein knallen vndt prausen gleichsam eines auffkochenden waßers/ vndt ich wußte nicht was für ein gethöne gehöret wardt. Vns war nicht aller maßen wol bey der sache; Ich habe/ fieng aber die Nimfe an/ euch nicht ohn vrsach an dieses ort + +

Als wir nun vnter wehrendem gespreche gleichsam bergan ge- gangen waren/ kamen wir an den außgang einer höle/ darein der tag seine stralen mitt vollem scheine fallen ließ; Hercinie aber ver- schwandt ehe wir es gewar worden/ vndt kam vns weiter nicht zue gesichte. Wir wendeten vns gegen der grotten/ vndt ehrten die Nimfe vndt den ort/ darinnen wir so/ merckliche vndt wunderbare lachen gesehen vndt erfahren. Ob vns auch zwar die gelegenheit des gefildes da wir herauß gegangen etwas seltzam fürkam/ so kun- ten wir doch aller Beschaffenheit nach fast erkennen/ daß wir eben an der andern seiten des berges/ wo wir zuevor hinein gelaßen worden/ sein mußten/ stiegen also gemach vndt gemach gegen der spitzen zue. Wir waren noch zimlich ferren von der höhe/ als sich bey so lieblichem wetter dennoch ein dünner schnee sehen ließ/ der aber auff der erden alsobaldt zue tawe vndt waßer wardt. Wei- ter hinauff war es gantz heiter vndt stille; da wir dann nachfolgen- des gelubde in einen lindenbawm eingeschnitten funden:

Dieser/ fieng Nüßler an/ hatt sich auch bereden laßen/ es sey ein Rübezal allhier/ wie jhn die jenigen nennen/ die jhn nie gesehen haben. Wir sindt eben auff dem rechten orte/ gab ich zur antwort/ da er sein soll/ vndt nicht ist. Ich habe gleichwol vernommen/ jhr Schlesier/ sagte Venator/ es solle nicht gar richtig bey euch sein. Freylich nicht/ fieng ich an; dann es liegt einer hier oben begraben der nicht mehr lebet. Ich weiß wol/ redte Buchner darzwischen/ daß jhr alle drey dem hauffen zuegethan seidt der nichts übrigs glaubet: was aber durch lange erfahrung bestetigt ist/ vndt die au- gen selbst sehen/ das kan das hertze ja glauben. Mitt einem stin- ckenden aaße/ sagt Nüßler/ ist wol sonst wenig an zue fangen. Dar- wieder bin ich auch nicht/ spricht Buchner; wiewol manches ehe verdirbet als ein anders. Ich habe viel mal gehöret/ wann einen der donner erschlagen hatt/ daß sein cörper nicht verfaulen; vndt wann einem mitt giffte vergeben ist/ daß das hertze vnvertorben bleiben soll. Ein mensch der mäßig gelebet hat/ wirdt nicht so baldt verwesen/ als einer so durch schwelgen vndt vollbretigkeit seinen leib zue einer pfützen gemacht hatt/ da alle feuchtigkeit vndt flüße hinein geronnen. Habt jhr nie gesehen/ daß den todten + + +

Wo bleiben dann die säuffer/ sagt Venator/ die so vngewisser augen/ vnstetigen ganges/ vndt seltzamer einbildungen sindt? Wann sie den kopff fallen laßen/ so kömpt es jhnen bißweilen für sie versincken; vndt wann die stube ein radt mitt jhnen macht/ so legen sie sich nieder/ vndt erwischen mitt beyden händen den bo- den: baldt erhebt sich ein sturm in jhren ohren/ daß sie meinen sie sindt zur see/ vndt schawen wie weit es noch zue lande ist; springen wol über jhren eigenen schatten/ vndt sehen jhn für einen graben/ eine katze für einen löwen an; in summa/ schlaffen wachende/ + + + + +

Auff diese weise wirdt mancher bezaubert/ sagt Buchner: aber ohn schertz/ jhr brüder/ von andern gespenstern redet die gantze welt/ vndt von diesem viel leute die hierumb wohnen; die jhn zue weilen in form eines schönen roßes/ einer kröten/ eines rabens/ einer nachteule/ eines bergmännlins/ eines mönches vndt derglei- chen gesehen haben. Eines mönches? sagt Venator. Warumb nicht/ giebt Buchner zur antwort? Pflegt sich nicht der teuffel in einen engel des liechts zue verkehren/ vndt hast du nie gehört/ daß er dem heiligen Martin in gestalt des Heilandes der welt erschie- nen sey? Muß er dann eben/ spricht Nüßler/ vmb diese felsen vnd tunckele hölen seinen wohnplatz haben? Er ist/ antwortet Buchner/ ein Vater der trawrigkeit/ vndt bezeuget solches mitt den einöden trawrigen örtern/ da er zue nisten pfleget. Vieleicht wil er jhm hierdurch ein größer ansehen machen/ fange ich an/ weil jhm nicht vnwißendt/ daß der so über vns ist an den stillen vndt einfaltigen orten mitt einfaltigem hertzen vndt ruhigem gewi- ßen von allen zeiten her hatt wollen geehret sein. Solches begehr- ten die vngöttlichen götter/ Rübezales gleichen/ daß man jhnen nicht weniger erzeigen solte; wie dann die alten nicht so sehr hel- ffenbeinerne vndt güldene bilder/ als dicke püsche vndt das ge- heime stillschweigen darinnen angebetet/ ja wälder/ wiesen vndt see geheiliget/ vndt sie mitt namen der götter genennt haben. Die Dacier auch berge/ hebt Buchner an. Freylich/ sage ich/ berge/ vndt die jenigen so einen schein der göttligkeit zue erlangen sich darein verborgen/ als Zamolxes vndt andere. Ich meinte/ sagt Venator/ du würdest vns dergleichen in deinen weitleufftigen be- richten von den Daciern außführlich machen. Zwar ich weiß [49] nicht/ ob es mir wie jenen bergen gehen möchte/ gebe ich zur + + + +

antwort/ die nach langem geberen eine mauß zur welt brachten: wie ich mich aber anietzo mitt meinem zuestande vndt der zeit gelegenheit genungsam geschützt zue sein befinde/ so hoffe ich/ soll ich leben/ ich wil erweisen/ daß ein hirte mehr als weiden/ vndt ein Poet mehr als lügen kan.

Vnter wehrendem reden/ als wir zwischen der trennung zweyer hügel/ dahin wir vns durch hecken vndt gestäude mehr einen weg gemacht/ als gefunden hatten/ gerichts eingiengen/ erblickten wir hinter den birckenbäwmen vnd eichen eine grüne wiese/ auff wel- cher von einem andern orte her ein altes weib/ mitt grawem haupte/ zitterndem gange/ krummen rücken vndt einem korbe darauff/ fast gekrochen kam. Wir winckten einander/ vndt legten vns vnvermerckt in die sträuche nieder/ zue erfahren was die red- liche muter guetes machen würde. Sie war fast in die mitten an einen Scheideweg zweyer engen stege kommen/ da ließ sie jhre geflickte schauben fallen/ striech die hägeren armen auff/ vndt fieng mitt klingender stimme also an zue ruffen:

Der glantz des himmels die Sonne/ welche/ wie wir auß vnserem schatten abnemen kundten/ den tag biß über die helffte gebracht hatte/ schiene für schrecken zue erbleichen/ kein geflügel hörte man singen/ es regte sich nichts als das zittern der bäwme/ vndt wir selber zweiffelten welches sicherer were/ zue lauffen oder zue bleiben. Sie zohe den lincken schuch auß/ nam ein tuch über den kopff/ kehrte sich zwey mal gegen morgen/ vndt zwey mal gegen Niedergang/ grub mitt einer sichel ein loch in die erden/ vndt machte darauff einen zirckel vmb sich her/ murmelte auch eine gute weile eines vndt anders was wir nicht verstehen kundten. Hiernach brachte sie auß jhrem korbe allerhandt kräuter/ welche +

So mußen gleichfalls auch deßelbten sinnen brennen/ Der von sich selbst nicht wil den trewen sinn erkennen.

Ferner knüpffte sie einen haarlocken vmb drey federn von vngleicher farben/ vndt sprach:

Diß sindt die federn hier so ich zue diesem wesen/ Auß dreyen nestern zwar/ vmb mitternacht erlesen Vom vogel den ich weiß; diß ist sein eignes haar Das bey dem lincken ohr’ ein falsches zeichen war Der liebe die er fleucht: die feder leßt das fliegen; Sein haar wirdt jetzt ein bandt; er soll mir auch erliegen.

Auff diß sprützete sie drey mal in jhre schoß/ nam ein bildlein von jungfrawenwachse in die handt/ beraucherte daßelbte/ bandt jhm drey wöllene faden von dreyerley farben vmb den halß/ vndt sagte:

Vnter solcher rede stach sie mitt einer langen nadel drey mal hinein/ vndt fieng an:

warff es hierüber in das fewer mitt diesem worte:

Nach dem nun alles nieder gebrennet war/ grieff sie auff die erden/ warff die asche drey mal über den kopff/ sahe nicht hinter sich/ vndt hub wie erstlich mitt verbrochenen worten an zue mur- meln. Sie hatte jhre schreckliche beschwerungen in dem maule herumb zue werffen nicht recht angefangen/ als sich ein mächtiges [52] wetter/ schloß/ hagel vndt krachen erregete.

Das liecht wardt schwartze nacht; der himmel lieff zuesammen In dickes finsterniß; die wolcken gaben flammen Vndt eilten hefftig fort; man sahe keinen tag Als wann der grimme plitz durch einen donnerschlag Vorher gesendet kam; der winde starckes prausen Bewegte waldt vndt berg mitt seinem wilden sausen; Die lufft wardt lauter see; der höllen gantzes reich Erregte seine krafft; die bäwme wurden bleich;

vndt was mich das schrecken noch jetzo nicht erzehlen leßt. Ich/ wie ich zuevor am letzten mich niederlegen/ vndt dieser vierdten Furie zuehören wollen; also war ich der erste so von dannen vndt auff die nechste straße zue lieff. Die andern kamen hernach ge- rennet/ vndt hatten mitt dem athem auch fast die sprache verloh- ren/ wolten den blättern der espen so vmbher stunden am zittern nichts bevor geben. Eine seltzame sache: es stundt der hügel/ auff dem wir vns damals befunden/ so ferren nicht von dem vorigen orte/ dennoch blickte vns die Sonne mitt so einem gnädigen auge an/ vndt das graß vmbher war dermaßen trucken/ daß wir leicht verstehen kundten/ wie der teuffel nicht allenthalben zue gebieten + + + + + + + +

Als wir nun beydes von dem verlauffe ietziger schrecklichen künste/ vndt sonsten diesem vndt jenem vnterredung hielten/ ge- fiel vns die landtart gegenüber liegenden Königreiches sonder- lich/ als deßen ebene von dem gemach vndt gemach auffsteigen- den gebirge gleich wie von einem krantze vmbgeben ist/ vndt daß außsehen eines künstlichen schawplatzes hatt/ darinnen etwan die alten jhre spiele zue zeigen gewohnt gewesen. Hierüber dann meine drey mitgesellen/ in erwegung ietziger betrübter läufften/ auff folgendes hirtenliedt oder gespreche geriehten.