9 1616 Si quid forte
MONIMENTA HUMANITATIS SVPER ... ROSINAE ROBE- RIAE Immaturo obitu ... Erecta ... ANDREAE SARTORIO ... Viduo ... ANNO MD. CXVI. Descripta TYPIS FRIDERICI HARTMANNI ... .
4°: A–B. Exemplar: UB Amsterdam Br. B g 22
Unser Gedicht steht auf B2b–B3a; unmittelbar darauf folgt eins von B.W. Nüßler. Ferner kondolieren Caspar Dornau; Christian Nüßler und Wilhelm Cothurnus (= Bundschuh) aus Friedland sowie neun andere, darunter ein Samuel Gloxinus, der den Namen der Verstorbenen anagrammatisch verwendet. Alle Gedichte sind lateinisch außer einem griechischen. Friedrich Hartmann druckte in Frankfurt (Josef Benzing, Die Buchdrucker des 16. und 17. Jahr- hunderts im deutschen Sprachgebiet, Wiesbaden 1963, S. 133).
Rosina Röber (1593– 23. Nov. 1616) stammte aus Görlitz. Der Witwer, Andreas Sartorius (1562–12. Mai 1617), war Professor der Rechte in Frankfurt und brandenburgischer Rat.
CARMEN EPICEDIUM
stylo qui lachrymas decet.
SI quid forte dolor, si quid suspiria possunt,
Si quid flebilibus tristia verba notis:
Tecum, Sartori, junctis plangoribus omnes
Has imus moestas jugiter exequias.
5 Nos tibi sufficimus lachrymas, suspiria, planctus,
Plenaque corda aegris sollicitudinibus,
Cum dolor infandus fugitivo mistus amori,
Largo rore tuis depluit ex oculis:
Qualis in aerei proserpens culmine montis
10 Rivus muscoso desilit e lapide
Et teneras herbas solatur et aurea prata,
Cum gravis exustos aestus hiulcat agros:
Dum tua lux miti devicta sopore expirat,
Et campis felix imminet Elisiis,
15 Dulce nimis solatiolum requiesque laborum,
Quos vovit chara mens tua pro patria.
Verum haec invidiae Fatorum obnoxia vitae
Commoda caelestes non tetulere Dei:
Sed lactis veluti ramis Astartica myrtus,
20 Litoris accrescens lene supercilium,
Surgit et eximio formosa flore superbit.
Iam lepidis certae delitiae Dryasin,
Defendit foliis superimpendentibus aestum,
Et nimium grato frigore solstitium
25 Arcet: jam Nymphae florem redimere corymbis,
Sertaque temporibus pulchra parare parant.
Mox ubi nimboso flat inexorabilis Auster
Murmure, et in rabiem se induit aura suam,
Nescia splendoris magis et magis elanguescit.
30 Deciderunt flores, deciderunt folia.
+
Iam frustra tardae prosiliunt lachrymae:
Sic tibi spem vitae, sic unica gaudia Fati
Invida vis viduo sustulit e thalamo.
35 Sed certe haec vanis deploras questibus: ora
Frustra stant lachrymis humida facta tuis.
Nequicquam quaerebat Hylam Tyrinthius heros,
Flebile nequicquam continuabat opus,
Frustra incusabat surdi periuria caeli,
40 Qui respondebat, nil nisi ventus erat.
Tu quoque, Sartori, fletu redderis iniquo
Et minus explicitus, et magis implicitus.
Martinus Opitius Sil.
L. M. Q. F.